يالمسافر صوتك بأذني يرن
يالمسافر غاد
روحك طير مافاركـ سجن
صوت امك وكت الغروب بحزن
رد يغايب
ربعك التنشد عليك
رد يغايب
لو بدينه ارواحنه اتسافر تجيك
ومورساله انودي ليك
ادموعنه اتخط الحروف
وبينه حسره وبينه اوف
والله دم اعيونه ايحني الچفوف
اولايتك شوكـ ومحنه
وياخبز تنور اهلنه
اوين تلگه هناك مثل اهلك وطن
الگهاوي اعيون تنشدني وتصيح
وين ابوطول الحلو وخد المليح
والشوارع خاليه ومابيهه صوت
تنطر اجدامك تجيهه وتعتني البيتك تفوت
وادري بعيونك تسولف من بعيد
مايرد اللهفه اللبروحك بريد
كون روحك طير ويرفرف جناحه
عالي يم گبة سعيد *
كون روحك طير ويرف ويجينه
يالمعدل ياابوسوالف حنينه
• استخدم الحرف گ بديل للقاف باللغه العربيه
• * سعيد بن جبير ثحابي قتل في منطقة واسط على يد الحجاج